للأسف الشديد سحس هو اللى هايقدم البرنامج ده لأن المفتش كرومبو بعافيه شويه
سحس :- هاى معجبينى ومعجباتى انا يشرفنى تقديم هذا اللغز بدلا من استاذى القدير
المفتش كرومبو نظرا لظروفه الصحيه.......
سحس :- متحف اللوفر اللى فى باريس خصوصا لوحه ( المنى وليزا ) ........
اتسرق وانا كنت مضطر انى اسافر علشان اعرف ايه اللى حصل ولما وصلت قابلت مسيو
( جان بول ) مدير المتحف وبدأ يحكى اللى حصل ..........
( جان بول ) :- مسيو سحس احنا دايما بنحتفل كل سنه بالمتحف وعروضه وفى اليوم ده
لما دقت الساعه 12 بالليل فجأه النور انطفا لمده 5 دقايق ولما النور رجع بعد ما شغلنا
المولد كانت اللوحه اختفت................
والمتحف كان موجود فيه انا ( جان بول ) مدير المتحف
( جورج بيجو ) امن البوابه
( ميشيل ستروين ) مراقب الكاميرات
ولما سألنا مسيو ( جان بول ) عن اللى حصل قال........
( جان بول ) : زى ماقلتلك النور اتقطع لمده 5دقايق والصراحه مكانش معايا شمع
علشان اشوف قدامى بس انا واثق فى كل العاملين اللى فى المتحف ويارب اللوحه
تكون سليمه ...
ولما سألنا ( جورج بيجو ) قال.......
( جورج بيجو ) :- نونو مسيو سحس انا ماسرقتش اللوحه لان لما النور انقطع
انا جريت على المولد علشان ارجع الكهربا بس وانا فى الطريق كان النور رجع تانى
اصل المولد موجود فى اخر المتحف يعنى تقريبا حوالى 7 او 8 دقايق من البوابه
ولما سألنا ( ميشيل ستروين ) قال.........
( ميشيل ستروين ) :- للأسف الكاميرات ما سجلتش اللى حصل لأن الدنيا كانت ضلمه
ولما رجع جيت اتفرج على الشريط كان الفيلم كله اسود ياريت تبلغ تحياتى
للمفتش كرومبو ............
سحس :- يانهار ابيض انا مش عارف احل اللغز دة فينك يا كوكو الحقنى الناس هاتضربنى
بالجذمه انا مش عارف مين اللى سرق بس كرومبو عرف لأنى كلمته وسألته......
ياترى انت كمان عرفت مين اللى سرق؟؟
( جان بول – جورج بيجو – ميشيل ستروين )