كرومبو :- الفنان ( سيد فلاش ) عربيته اتسرقت يا جدعان
( سيد فلاش ) كان رايح الاستوديو عنده تصوير وكان مستعجل ومن لخمته نسى مفتاح العربيه جوه العربيه
فلما خلص تصوير
وخرج ما لقاش العربيه..........
فى الوقت ده كان موجود ثلاثه فى المنطقه ( حامد انذار ) بتاع الامن
و ( مصطفى فوطه ) بتاع الجراج
و ( عبده قمصان ) اللبيس بتاع ( سيد فلاش )
لما اتصل بيا الفنان روحت واخدت سحس معايا بس كالمعتاد كان مجننى على ما جه معايا طول الطريق بيقولى استنى بس هاجيب الاوتوجراف معايا جدتى بتحب ( سيد فلاش ) مش عارف جدته دى عارفه
( سيد فلاش ) منين لما وصلنا الاستوديو كان ( سيد فلاش ) مستنينا واول ما شافه سحس جرى ناحيته وقال
ها ازيك يا نجم علشان تبقى عارف انا من اشد معجبينك بس للاسف انا معرفتش احضر اخر فيلم ليك كنت فى الحمام ساعتها حمام ايه يا سحس احم احم اسف يا استاذ ( سيد ) ممكن تحكيلى اللى حصل...............
( سيد فلاش ) :- انا كان عندى تصوير الساعه 9 وكنت ناسى الميعاد خالص فاتصلوا بيا من الاستوديو وبلغونى انى اتأخرت ولازم اكون فى الاستوديو خلال ربع ساعه ومن كتر ما انا مستعجل نسيت المفتاح فى
العربيه ولما خرجت ما كانتش موجوده
ولما سألنا الثلاثه اللى كانوا واقفين قالوا
( حامد انذار ) :- والله يا سيد كرومبو انا معرفش ازاى العربيه دى اتسرقت اصل انا كنت لمؤاخذه تعبان ودخلت الحمام ولما خرجت عرفت انها اتسرقت
ولما سألنا ( مصطفى فوطه ) قال......
( مصطفى فوطه ) :- انا ما اخدتش عربيه حد يا بيه وبعدين هو غلطان حد قاله ينسى المفتاح فى العربيه
ولما سألنا ( عبده قمصان ) قال..........
( عبده قمصان ) :- انا لا ممكن اسرق الراجل اللى لحم اكتافى من خيرة اى نعم هى العربيه حلوة بس مهمن
يكون دا الراجل اللى بيأكلى توست وبرجر............
انا عرفت مين اللى سرق ........... ها يا سحس انت عرفت مين اللى سرق العربيه
( سحس ) :- طبعا عرفت اذا كان( حمبوذو لاوى بوذه هو اللى سرق التوك توك بتاع ام قويق ) هايكون
مين اللى سرق عربيه ( سيد فلاش ) ( اكيد حماصه بياكل مصاصه اللى سرقها )
ها سحس معرفش يا ترى مين اللى سرق العربيه
( حامد انذار – مصطفى فوطه – عبده قمصان )
نوجه عنايه للقرأ الاعزاء ان هذه المسابقه من تأليفى وليست مسروقه كما يظن البعض مع تحياتى ....
المفتش كرومبو ( محمود حاليا )
من طرف moo.nofal90 الجمعة أبريل 17, 2015 12:42 am
