كرومبو :- اللاعب ا لمشهور ( كمبورة بيلعب كورة ) شقته اتسرقت........
اللاعب المشهور اتصل بيا وقالى ان شقته اتسرقت وعلى الفور انتقلت انا وسحس
الى موقع الحادث ولما وصلنا اكتشفت حاجه غريبه جدا.................
سحس و ( كمبورة ) اصحاب مش عارف ازاى والمفجأءة بجد ان سحس كان لاعب
كورة فى نادى ( سمالوط الدولى ) وكان من اشهر حراس مصر فى الوقت ده المهم بعد السلام
والاشواق اللاعب ( كمبورة ) بدأ يحكى الحكايه..................
( كمبورة ) :- النهاردة كان عندى تمرين فى النادى علشان ماتش الدورى وكنت السنه
اللى فاتت اخدت كأس احسن لاعب فى افريقيا ولما رجعت النهاردة من التمرين كان
الكأس بتاعى اتسرق.............
( سحس ) :- يا حوستى الكأس اتسرق وهو اللى سرقه هايعمل بيه ايه
( كرومبو ) : سهله يا سحس اكيد هايحطه عنده مع الصينى علشان العصير
وعرفنا كمان ان فى الشقه كان موجودين ثلاثه................
( كلاماطه بيحب الشكولاته ) السفرجى
( نخله المزرع ) الجناينى
( الدادة دودى ) مربيه ابن الاعب ( كمبورة الصغير )
ولما سألنا الثلاثه قالوا............
( كلاماطه ) :- انا ما اعرفش حاجه عن الكأس ده لأن اللاعب كمبورة بيحتفظ بالحاجات
المهمه اللى زى دى عنده فى الخزنه فى اوضه المكتب بتاعته شفت الجذمه الجديده بتاعتى ؟....
ولما سألنا ( نخله ) قال.......
( نخله ) :- لا والله ابدا يا استاذ كرومبو انا اصلا ما دخلتش الشقه دى غير لما بيكون
الاستاذ عاوزنى فى حاجه وعموما انا متأكد انى سى سحس هايعرف الحرامى....
ولما سألنا ( الدادة دودى ) قالت............
( الدادة دودى ) :- وانا هاعمل ايه بالكأس ده دا انا اصلا ماليش فى الكورة بس
الكأس شكله غالى واللى سرقه شكله هايتنغنغ اوى لان سعرة بالشئ الفلانى....
ولما دخلت اوضه المكتب لقيت سحس ماسك العدسه المكبرة سألته ( بتعمل ايه يا سحس )
قالى ( انا بحاول اشوف البصمات بتاعه السارق علشان تسهل عمليه البحث انا كنت بشوف
المفتش الكبير ( شيكمارا ) بيعمل كده ( شيكمارا مين يا سحس اسمه ( جيفارا) ) ......
بس قولى انت عرفت مين اللى سرق........
( سحس ) :- هاه !!
اه واضح ان سحس كالمعتاد مش عارف بس انا عرفت مين اللى سرق ياترى انت كمان عرفت...
( كلاماطه بيحب الشكولاته – الدادة دودى –
نخله المزرع )