كرومبو...كرومبو... مع المفتش كرومبو الحلقه 7

حصرى المفتش كرومبو وسحس ومعاهم اللمبى

كرومبو :- اهلا اصحابى من النهاردة هايبقى معايا ضيف جديد وياريت تعتبروة زى سحس بالظبط

سحس :- دا شرف ليا يا كرومبو انى اكون استاذ للمبى مش كده ولا ايه ؟

اللمبى :- مع السلاموا عليكم اولا فى البدايه احب اشكر السيد ( كوم امبو ) والاستاذ البنى ادم ( سحس ) لانهم ساعدونى فى انى اكتشف معاهم جرايمهم وزى ما قلت الجريمه لا تفيد وانا من هذا المزنق احب اقول لكل مجرم وكل مجرمايه ان كوم امبو مش هيسكت حتى لو رجعتم لبطن مهمهاتكم . والله على ما اقول شديد

كرومبو :- امبارح حصلت جريمه سرقه فى مكتب السيد ( حامد شرابه جامد ) صاحب محلات ( الهدمه النضيفه ) للملابس رحنا انا وسحس واللمبى بالميكروباص طبعا لان العربيه مش هتاخدنا احنا التلاته
المهم وصلنا للسيد ( حامد شرابه جامد ) وبدأ يحكى عن اللى حصل وقال:-
والله يا استاذ انا كنت قاعد فى المحل لا ليا ولا عليا ابص فجأه الاقى النور انقطع بتاع يعنى 5 دقايق ولما النور رجع بفتح درج المكتب كانت الفلوس كلها ذهبت مع الريح

اللمبى :- والفلوس كانت قد ايه ياعم الكتكوت

حامد شرابه جامد :- بتاع 500 جنيه يا حلاوة

ولما سألناه عن اللى كانوا معاه قال انا كان معايا ثلاته فى المحل وهما :-

( صاصا اديداس ) الصبى بتاعه
( ميزو فتله ) اللى شغال فى قسم الاطفال
( حماده شموا ) مش عارف كان بيشتغل عنده ايه

المهم سألنا الثلاثه عن اللى حصل وقالوا :-
صاصا اديداس :- انا لما النور انقطع وقف فى مكانى ما اتحركتش اصل انا بخاف من الضلمه اوى من صغرى

ولما سألنا ( ميزو ) قال

ميزو فتله :- اه صحيح انا فاكر ان النور انقطع بس انا كنت فى الحمام ساعتها ومش عارف تقريبا كده لمحت واحد بيجرى ناحيه الترك ( الدرج يعنى ) واخد المونى وكت من الشباك

ولما سألنا ( حماده ) قال :-

حماده شموا :- والله يا كرومبو انا اول ما النور انقطع جريت على فيشه الكهرومائى علشان يجى يشوف التليفون الحراره عاليا اوى وانا خايف ليكون عنده مغص ....

اللمبى : ايه القرف ده انت جاى تطهر التليفون ياعم احنا جاين نستكشف عن الحيوان اللى سرق الدرج ونسى ياخد الفلوس

سحس :- يا لمبى بقولك ايه اعتبر دا اخر يوم معاك هنا انت مبرشم ايه على الصبح دى جريمه قتل ياروح نانا

كرومبو :- ياريت يا سحس انت كمان ماتجيش لان الحلقه قلبت حيوانات جامد المهم انا عرفت مين اللى سرق ياترى انت كمان عرفت مين هو؟

( صاصا اديداس – ميزو فتله – حماده شموا )
[i]

ان الله حليم ستار هتستفاد ايه يا ميدو ما تكشف السارق سيبه لعذاب ضميرة وبعدين بصراحه كلهم اسمائهم تدل على شخصيتهم وشكلهم كلهم حراميه
اه ياريت تبقى تعرف لى مين سرق السلسله بتاعتى اصل هموت واعرف
او اروح بقى لخالتى نوسه احسن من كرومبو