كرومبو :- اهلا بيكم اصحابى مره تانى رجعتلكم بعد فتره غياب طويله معايا الغاز محتاجه عقول زى سحس واللمبى
اللمبى :- اوه يا بروف بجد وحشتنى مسابقاتك
كرومبو :- مسابقات دا ايه احنا بنوزع لبان
كرومبو :- المهم النوفيلست العظيم ) حميد محظوظ ( الحائز على جائزه ) اوبل ( عن رائعته الادبيه ) يا حيطه دارينى دارينى وخبينى اوام خبينى ( وله العديد من الجوائز فى الادب والبلاغه والنحو والنصوص.
اتصل بيا وقال انه حصلتله جريمه سرقه وطلب مننا اننا نزوره فى مكتبه ولما رحنا له المكتب قابلتنا السكرتيره بتاعته وقالت....
السكرتيره :- اه يا كرومبو يالها من مصادفه تلك التى قابلتك فيها
اللمبى :- لو سمحتى يا وازوزيل احنا عندنا معاد مع الدكتور
سحس :- دكتور ايه انت جاى تطعم دا مؤلف
اللمبى :- اه يعنى بيشتغل ايه ؟
كرومبو :- بس بقى دا ايه الوباء ده . ممكن نقابل النوفيلست
السكرتيره :- اكيد ثانيه هاديله خبر
اللمبى :- اه بسرعه لله يسترك
ولما دخلنا المكتب قابلنا النوفيلست ورحب بينا وقال...
الحقنى ياكرومبو انا اتسرق منى كتابى الجديد بعنوان
) يازانقنى وجنبك فاضى ( وبجد انا تعبت فيها لغايه ما خلصتها
كرومبو :- اوك احكيلى اللى حصل وسبنا نشوف شغلنا
النوفيلست:- كنت فى يوم معزوم مع اصدقاء ليا على الغدا فى المطعم وانا متعود اخد معايا اللاب توب بتاعى علشان فيه كل حاجه انا مألفها وبعد الغدا سبت اللاب ورحت الحمام علشان اغسل ايدى ولما رجعت ما لقيتش اللاب توب
سحس :- ومين كان معاك فى الليله دى
النوفيلست :- كان معايا تلاته هما:-
) قصاصه ورق ( السكرتيره
) حماده طباعه ( اللى بيطبع لى الكتب
) سيد جلده ( اللى بيسوقلى الكتب
ولما سألنا التلاته قالوا :-
السكرتيره :- انا لا اعلم شيئا عن تلك القصيده فهى كما تعرف تأتى من وحى المؤلف ولا يمكن اقتباسها
ولما سألنا حماده طباعه اقل :-
حماده طباعه :- لا والله انا ماعرفش حاجه عن الكتاب ده وبعدين بدايته شكلها مش استايل يعنى
ولما سألنا سيد جلده قال :-
سيد جلده :- لا يابرنس انا اخرى اوصلهمله تليفرى للمكتبات والاماكن العامه لكن الكتاب ده شكله هايعمل احلى شغل
كرومبو :- انا عرفت مين اللى سرق ياترى انت كمان عرفت
( قصاصه ورق - حماده طباعه - سيد جلده )
[center][right]
من طرف moo.nofal90 الجمعة أبريل 17, 2015 12:42 am
